<<下一站...>>

感謝主讓我順利完成一連四星期的J-Workshop, 一個很好的體驗, 眼見別人的樂隊跟自己的樂隊演繹同一首詩歌的分別, 不禁讚嘆神所創造的音樂是何等奇妙。見多了, 聽多了, 學懂多了, 之後當然就是, 練多一點, 想多一點, 試多一點... 但一想到自己的天份和能耐... 真係有點心酸... 但我還是想用音樂去敬拜神, 去事奉神。

今天的事奉... 要繼續, 因為這是一份祝福, 但明顯的, 我需要一點突破, 到底怎樣才可以做更多? 做更大的事?

這個Workshop的確對我有一定我刺激, 尤其是最後日本女鼓手的分享。很欣賞她可以用音樂回應該日本的需要, 祝福她。Raymond講了一句, "我深深相信音樂是神創造的"。對得很, 這樣美麗的東西, 一定是神的手筆, 也因為如此, 我們要好好珍惜。

好好的想一想, 還有甚麼有意義的事奉空間...

<<不要讓你的人生成為笑話>>

爺爺終於走了, 昨天的下午離去, 前天是我最後一次見到尚有氣息的他。

事實上, 自我懂事以來, 我跟爺爺並不熟絡, 一年會見到三次吧, 而見到都只是見到, 沒有談話, 沒有交流。以我所知道關於爺爺的事, 負面的佔絕大多數, 世人看去失敗的人生, 有些地方更似是小說中的故事。在爺爺的家庭中, 很多悲哀的事情, 而且原因都離不開個"錢"字。

八個仔女, 歷史中充滿著很多錢的糾紛, 很多怨恨。約一半移民了, 在香港的也不會見面... 歷史的事, 我還少, 不知道, 不記得, 但就我這一兩年所見的, 回想起來, 很諷刺... 刺得有點麻痺的感覺。

有一個阿叔, 移民了十幾年, 總算有機會回來了, 跟爸媽等人食了一頓飯, 據說, 這餐飯拍枱收場, 因為大家想追討以前的錢債... 十幾年沒有見面的兄弟, 才一見面, 一個錢字, 令他們可能不會再見面。結果, 我沒有見到呢個阿叔, 他便走了。

有一次跟爸媽吃早餐, 談著爺爺住療養院的費用事宜, 爸堅持要各兄弟姊妹夾份, 又不斷的"計劃"怎樣"談判", 要見他們怎樣反應, 設計對白都想好了... 結果, 都住不了三個月, 爺爺去世了... 如果當日沒有談判, 跳到這一幕, 可能故事可以流暢一點, 寬容一點...

前天是我最後一次見在生的爺爺, 有堂哥堂姊到來, 見到面, 我們不會打招呼, 擦身而過。我即時想到的是, 喪禮上我們都可以不交談, 但似乎我還得要請他們到自己的囍宴, 不知到時他們會不會來, 會不會說聲恭喜呢... 而在我看來, 他們不來也不要緊, 因為我們都不認識。

人去了, 留下了很多魂結, 怨恨, 推卸... 其實也是一種幽默, 不過是黑色的, 可笑, 也很可怕。

縱然我知道爺爺不會上天堂, 但還是希望他能夠安息。

爺爺, 請安息。

<<挑戰>>

昨天的崇拜, 不幸的又坐在後面, 坐在後面本來不是大問題, 問題只是總不能專心敬拜, 不過神仍然有說話跟我講。坐在後面的時候, 敬拜隊每轉一首詩歌, 便要留意一次mixer的setting, 睇下係咪每樣野都有聲, 每樣野的聲音ba唔balance, 過左一首歌左右, 就可以自己唱返一兩段, 對現在的我來說, 真係幾難可以全情投入去敬拜。但就在那僅僅幾句的歌詞中, 神還是觸動了我... 神問了我幾個問題, 我答不出來...

第一個問題是, 我現在咁樣事奉, 足夠嗎?

第二個問題是, 我不事奉祂, 我會變成甚麼樣子呢?

第三個問題是, 我真的要放棄現在的岡位嗎?

答唔到... 真係答唔到... 最後的一首詩歌"求你充滿我", 對, 我明白的, 但我真的不知道我應唔應付到多一年的失意...

專心禱告。

Helpful

除左business man, 呢個係另一個我都呢一兩年先真正學識的字。講真, 細細個學職業的英文, 有幾多個字係真係明白的, 細細個就明乜野係engineer? 我估除左engineer之外基本上係無人會明, 正如business man到底係乜黎, 我到而家都唔sure 點define.

講返Helpful, 大家睇到呢個字, 會唔會即刻聯想到身邊某d人呢? 定好似我以前咁, helpful咪helpful囉~ 可悲的事實係, 通常我地會發現d人唔helpful多過發現人helpful, 你會發覺好多人永遠幫唔到手, 有d更加係俾返d問題同更多麻煩你, 呢個係好基本的體會。但呢排我又發現, helpful可以不止於此, 有d人幫唔到手, 一次, 兩次會覺得咁岩佢唔識呢d野o者, 但recurring咁幫唔到呢? 會唔會開始覺得呢個人... 又或者同一d人合作得多, 有無發現好事都要好suffer先攪得掂, 一次, 兩次的suffer, 就話都叫做攪得掂, recurring咁suffer呢? 會唔會唔想同呢d人合作... 不helpful的人, 好難升職, 好難俾人覺得佢可靠, 甚至會令人敬而遠之。

呢排公司多野做, 又諗多左野, 見多左人, 留意到有d人真係幾helpful, 唔係因為佢地乜都識, 亦唔係只係因為佢地肯去做, 而係佢地知道成件事要做d乜, 點可以令件事"發生", 然後就容易估到其實每個角色想要d乜, 當呢d角色seek help時, 佢咪helpful囉。隨之而黎的, 當然又係例牌的反省下, 自己help唔helpful呢? 嗯... 現階段, 一如以往的答案, 唔ok+未合格。咁點算? 俾d心機囉...

Cash Flow? Investment?

弟弟上工才三星期, 不知道是因為AIG還是因為毒奶, 便跟我討論關於投資。以我所知, 佢呢排睇左"尋找快樂的途徑", "尖子攻略", "窮爸爸富爸爸"及自身的家庭連續劇, 可能多多少少俾"腦雷"了好幾下。事實上, 我覺得早少少諗呢D問題係好的, 始終concept呢d野放左係個腦度, 可能十年都落唔到手, 落唔到腳。

我記得岩岩做野果陣(OMG, 我己經可以講呢句野了...), 真係有個個月都儲唔到錢, 月月清, 唔知點咁的感覺。工照返, 想買心頭好又買唔到, 仲要不幸的睇果個勁貴醫生... 真係可以諗儲錢, 都係年半後的事。而且開頭, 都只係得個儲字, 一黎真係唔係多, 二來又要諗下儲錢for人生大事, 但因為數目少, 所以更會小心去諗下自己的cash flow。Cash flow最有趣之處係可以令你更清楚自己的生活, 到底你d錢去左邊, 又會發現你洗錢係有分想洗的錢, 同唔想洗的錢, 同埋下決心去實行計劃左的cash flow都幾痛, 但做落又會ok。

講返弟弟, 佢講到佢想用儲起的錢做一d有回報的investment, 做不同的投資, 用自己的資本去獲利, 嗯... 好理想, 好偉大。但可能我做得野耐佢少少, 睇法又會有少少唔同, 有咁的心志係好, 但... 計劃呢? 真係咁憑空想像到? 真係可以單純的儲夠錢就可以投資? 所以, 我只可以叫佢俾心機學管理好自己的東西先再計劃, 同時, 我都係時候諗諗自己黎緊呢兩年的計劃。

Anyways, 我都慶幸弟弟咁早有咁的志氣~

<<閱讀的好處>>

上星期同Carol去左書展, 因為人多, 放工又累, 所以決定唔好急, 都係慢慢食飯, 食完再慢慢去, try to slow down the mood and process. 結果, 八點半左右入去, 十二點幾出返黎。係咪真係咁多野睇呢? 都係架, 檔檔都睇下有乜睇, 咁就三個鐘。

書展的內容跟往年差不多, 但自己的心態有少少唔同左。今年我的買書慾比往年強, 一來覺得自己真係要睇下唔同的書, 學多d野。書到用時方恨少, 我覺得唔係, 因為我唔係好駛"用書", 反而只係簡單覺得, 人地睇左二十本書, 你無睇書, 人地諗野就闊你二十本書咁多, 我相信, 我諗野己經窄人n 本書了; 二來, 讀書令我有一段靜落黎的時間。原來人唔可以keep住有野做的, 就算係同朋友輕鬆食餐飯, 補個習。總知, 唔係話做的事不重複就不會累。我呢d日日都好似有少少野做的人, 積積下都幾係野...

最後買左幾本書, 因為忍左手先買左幾本書。

<<我們相處不來>>

剛轉工後不久, 跟家姐吃的豐富生日飯中, 家姐提及了一句, "我認為又唔駛同同事好friend, 相處得好好, 大家行埋做到野咪得..." 聽完有一剎那回應不來, 因為我不知道, 甚至未曾想過, 工作是否可以如此。第一耳聽到, 覺得大家不熟絡, 或者不大喜歡大家, 還可以一起工作做事嗎? 當然我是指做到野的情況, 唔係keep住攪事多過建設。然後想著想著, 覺得原來係work的, 我根本不用去跟每一個同事做朋友, 做到顧然好, 但做唔到... 咪做唔到囉。大家只focus在公事上, 可能工作效率更佳, 只是人情味可能會欠奉。

好, 就當作是work的先。咁教會呢? 咁小組呢?

大家可以唔識, 唔熟, 唔like大家咁返教會同小組嗎? 好凍架喎... 好有張力架喎... 我諗我就唔係好得。肯定ren dou dian... 但萬一萬一真係有呢個情況點算好呢? 最行又最真的答案, 靠耶穌就得架喇。大家在主裏好好管理一下自己的情緒, 更要重點管理自己的說話。"要用愛心說誠實話", 無愛心就唔好講誠實話, 有愛心都唔可以講大話, 缺一不可。無愛心就要呼求耶穌俾愛心我地, "我們愛, 因為神先愛我們"; 有愛人但唔知點誠實地講出黎, 求主俾智慧, "傷人的言語, 一句都不可出"。

我認為, 教會, 小組的成員有必要好好相處, 因為呢度係基督的身體, 係要神得榮耀的地方。

<<學會管理>>

管理是一門學問, 是一門專業。人自懂事開始便要管理自己的東西, 由小時候的玩具, 零用錢, 到大個左要管理自己的金錢, 財富。看到是容易管理的, 因為在空間可以看到, 可以用數字量度。舉例說, 自己的人工應該何去何從, 自己的電子器材如何使用, 保養, 甚至電郵應否archive底還是delete左佢算。但看不到的東西就很難管理了, 人際關係, 時間, 知識, 自己的言論。可能有人會問, 這些東西要管理的嗎?

先從人際關係講起, 隨時間過去, 一個人的周圍會接觸到不同的群體, 家人, 新舊同學, 中/小/大學同學, 教會, 朋友的朋友... 到底如何可以跟他們每一個人keep contact, 要如何在他們之間作取捨, 有些人的方法得簡單, 只會主動找熟的朋友; 有些人會覺得, 最熟的朋友反而不用主動搵, 應留精神聯絡半熟的朋友...

知識的管理其實頗容易明白, 簡單的說, 懂得一個技術不等於要用出來, 自己有需要學甚麼技能, 便想方法去學。如果可以的話, 為自己想學的東西訂出一個清單, 過程中可能會有所啟發呢~

再講講言論, 記得有一個大學朋友在網上寫了一篇文, 內容大概是解釋點解要用xanga lock. 很多人覺得xanga lock很煩, 或者覺得他的用處是"只供一些人看, 是藏秘密的地方"。他們也許做到他們想要的效果, 但我這個朋友卻認為, 這是一個深奧的問題。不給別人看他的文章, 並不只是因為是秘密, 某程度上, 他在保護一些不能看的人。現代資訊科技發達, 人人可以在網上發言, 但沒有人可以judge網上言論的對錯, 所以討論區只供討論。如果自己的言論有機會對身邊的人造成唔好的影响, 唔俾佢地睇其實都係作者的責任。

如果我們細心想想生活的每一件事, 會發現很多東西都有"管理"的必要。但我們到底有無aware到這點呢?
管理是生命的一項life-long project.

<<家姐>>

我有一個"家姐", 當然唔係親生家姐啦~ 嚴格黎講, 係我當年係培正讀書時的一位師姐, 回想起來, 我也實在不知道點解我會做左佢細佬, 但呢個都唔係重點, 重點係, 原來呢個人都對我的價值觀有一定的影响。

抱歉, 我真的記唔起我係點解識得家姐的, 又唔同級(不便透露差距啦~XDD), 又唔係話一齊做過d乜, 計盡都只係一齊做prefect, 同上左一個唔知做乜的地理莊。但己經覺得呢個家姐真係"勁到飛起", 係一個leader, 又讀得書(雖然佢依然否認, 不過我都理解到原因)。但係, 到而家自己有返咁上下老, 先明白可能最被佢吸引的係佢果種對自己有的一份執著和要求。

我的朋友曾經覺得我是一個完美主義者, 當年亦有老師咁同我講, 但我告訴你們, 家姐比我更完美主義, 在我看來其實都ok病態tim, 我真的跟不上~ 完美主義是好是壞, 我不知道, 但完美主義的人總會有一種魅力, 令人好奇點解佢可以做到咁多野, 點解可以做得咁好, 點解會夠時間體力...

跟家姐識左"咁多"年, 看到其實, 體力可以無, 時間可以無, 但決心同方向就一定要有。我近兩年都開始體會到, 要先有想做的事情, 才可以想把事情做得好, 才可以嘗試去做好, 才有機會去做好。如果唔係就會變左"有計劃, 無目標", "唔知自己做緊乜"。

又諗到另一個有趣的地方, 就是原來每個人心目中的"勁"係好影响一個人的。女朋友都講過, 唔明點解我媽硬係唔會睇好自己的兩個仔(我和細佬), 當然, 因為我阿媽知乜野係"勁", 乜野係"叻", 可能有人覺得我兩兄弟都唔太差的時候, 我地都會覺得, "自己叻d就好"...

眼睛總要望著高的地方, 才走得遠, 如果唔係真係會失禮死人。自滿, 自以為是係好危險的, 我一直都咁同自己講。

當然, 要幫自己定個合適的位置啦, 自己而家去到邊, 可以去到邊, 把抽象的東東具體化。這樣才可以計劃, 才可以實行, 如果唔係又只會得一個沮喪的"講"字。

<<媽媽聲>>

返了幾日工, 不斷的install, google, oracle, re-install... 心中真的不斷抱怨, 為甚麼這樣做"training"? 沒有trainer, 或者說trainer會同你講一些真理, "去oracle度搵下d document", "跟住installation做應該得架喎, 你google search下有無人有答案啦" 無助得交關...

過左近兩星期, 終於裝了application server 的requirement, 即係oracle database. 一個出名的product, 但應該仲有其他requirement未裝好... 又要做一輪實驗, 又要炆一排...

有趣的是, 現在學的東西, 不是最後要做的東西, 只是"相似". 我在下的苦工到底有幾多是有用的, 沒有人知, 同事們只是說,"差唔多的", "當學多樣野", 然後又再有"睇下你自學能力有幾高", "識唔識自己solve 問題" 的相關對話出現。

做得很沒趣, 很挫敗, 說真的, 我不是IT狂熱者. 不會查完一大輪spec, 裝到舊野識行識走就好開心的人, 但我進了這行, 也只有繼續做...

不過, 鍾意乜都諗一餐的我, 又會諗, 點解會"0" support得咁交關呢? 我原本會覺得, 佢地可能之前做同樣動作時都己經懂得要做甚麼, 可能佢地真係對住d spec照裝就順利裝到, 可能佢地係正常人學野速度, 我係below mean... 所以佢地不會有要留低一點"guidelines" 或者"notes"的想法。但識我的人都知道, 我的99%學習能力由我中學時期開始就建基於"source", "sample", "demonstration", 要我自己由無變有, 真係難到媽媽聲...

講完一大輪, 告訴你們, 我都沒有留低任何"notes"俾後人, 不是黑心的惡作劇, 只是覺得與其留一些有機會俾後人取笑的notes, 不如踏實的學"怎樣學IT"。現階段可以做的, 媽媽聲咁繼續學囉...

<<網民不是人>>

是的，網民不是人。

「網民」一詞是近一兩年才出現在社會上的，多數會出現在各報章，用以代表「互聯網的使用者」，說他們在各論壇發出的聲音，以作為人們對新聞和社會動態的參考數據之一。不過，上網時間不多，或網上瀏覽時間不長的朋友請注意，網民可能並不是你們所想像的。又讓我們客觀地分析一下，發表網民意見在報章上的是記者，他們把從網上論壇看到的東西轉達出來。那麼，他們到底會看多少個論壇才綜合結論呢？記者坐在電腦前，要搵料，講求up﹣to﹣date，他們唯有去最多人去，最經常有人發表東西的論壇去搵，在香港，數得出又出名的論壇有幾多？就當有五六個，事實上，這五六個論壇上的人會有重複的人，這是不難想像的，而這些人的背景可能是一個謎，即係可能係有一班不知底蘊的在各大論壇發表他們的「偉論」，記者看見了「大量」的聲音，便覺得「網民」是這樣想的。

個人而言，我對網民沒大多大的好感，因為網上發言太容易，也不用承擔責任。再者，很多時候我看見的網民聲音都是偏激無謂幼稚得交關的。看到這裹，可能大家覺得我都係得個講字，就讓我轉載一些「網民的聲音」給大家看看。

2008-02-19
狂賀！！ 沈殿霞病逝！！
你班仆街小心d 欣宜呢排會長期上電視
賀肥姐擊敗陳冠希, 登上頭版一兩日
呢排大家咒少左,肥姐就咁玩完

2008-02-20
肥姐單新聞, 有D奇怪
根本死左好耐？
當我陰謀論, 有兩個可能性
1. 有人落order, 要快手攪掂
2. 根本未死, 有人想借此蓋過某件事
唔想俾人偷影,領左放係屋企先?
因為我覺得今次特首講話好似一早預備好~如果是突發事件, 應該只係講句難過就算

我很多時候覺得，「網民」的言論很幼稚，很多人都話睇完，笑下就算，但當他們的聲音被人認作係很多人的看法時，就應該留意一下了。緊記，網民終歸只是一堆「留言」而已。

<<淫照風波>>

連續四日的頭條新聞都是Gill有疑幻疑真的"淫照"在網上流傳事件的進度, 這件震撼全球的事件實在有很多很多"有趣"的地方。也許每個人看這件事時的著眼點都不同, 但著眼點也未免太多了...

當然, 最大的關注離不開照片的真實性, 雖然我都算是半個"電腦人"(因為不論對software還是hardware都係得半桶水), 但卻不會從電腦效果的角度去研究。我的看法嘛... 一同推理一下吧。假設原本的照片是假的, 但假都有分三種, 分別是, 1-只有男方是真的, 2-只有女方是真的, 3-男,女方都不是真的。頭兩種而言, 其實是但一個case, 都夠成為全城話題, 根本用不著去移花接木; 至於第三種, 如果真的是這樣, 這就真的有背後的陰謀了。我的看法就係咁多~

作為半個電腦人, 終不免要分析一下到底發生了甚麼事。現在有人得到了一些色情相片, 有/無加工後, 上載到網上, 越傳越廣, 警方關注並聲稱會著手調查, 但網上繼續出現更多有關照片... 這會令我想到information control on internet似乎真的是一個問題, 事實上, 這個問題一直存在, 而事實上, 這是很難很難很難解決的問題。

有人發明了software讓父母管理孩子可瀏覽的網頁, 有人限制孩子的上網時間, 有父母把電腦放進自己的房間... 在我的角度看, 這些為兒童/青少年而設的措拖是沒有用的。有人立法成人網頁要有警告字眼, 要使用者確定年鹷, 這些更是自欺欺人的做法。不論是圖片, 文字, 音樂, 在互聯網的世界都是無法在開啟前審查內容的, 只有在事後有人舉報。而發放資訊到網上, 是很容易的事, 現在很多的小學生都有這些本領了。

資訊發逹, 但沒有管制, 會提供很多犯罪的途徑, 會產生很多社會問題, 到底這個問題現在在甚麼階段, 有甚麼進展? 這恐怕不會在報紙的頭條上看到。

<<少少野都做唔到>>

小時候, 常常被媽罵”叫你做少少野都做唔到!” 然後, 年紀漸長, 媽不再罵這一句說話, 但這一句說話卻常在銀幕上出現。罵人的罵得狠, 被的懊悔得很… 這陣子, 腦裏又浮現出這句說話, 不過轉換了做反問的形式… “你唔係咁少少野, 都做唔掂呀?” 再慢慢演變出更多模式, “你唔係少少野, 都唔小心做錯呀?”, “你唔係少少野, 都要打電話叫人幫手呀?”, “你唔係少少野, 都懶唔做呀?” 每逢腦裏有聲音說這些話, 那”少少野”都會來得有壓力, 做的時候會更小心…

這情況在這幾個月頻頻發生, 當然, 最後真的會有”少少野都做唔到”的時候, 然後又會得懊惱。但慢慢地, 這想法開始被用在別人身上了… 覺得他”少少野都做唔到”, “少少野都做咁耐”… 我覺得這樣批評別人, 真的不大好。但同時我又會直接的想問, “你無野呀嘛?”

唉… “我無野呀嘛”…

Friends

終於完整的把長逹十季的Friends看了兩遍。十季的Friends若有246集, 每集約20分鐘, 算一算, 我實在用了很多時間去看。這種"追劇"行為實在很少會發生在我身上。但能夠令我這個不大熱衷於得劇集的人如此投入, 當然有很多很大的原因。總括而言, 我很享受我看Friends的故事時所思考的, 所聯想到的事物。

Friends的主體是六位性格分明的主角,再以十年來的生活細節作故事骨幹。那些演員把角色演繹出色還是其次, 但編劇的劇本真的不能不讚。編劇把很多生活瑣事連同感覺設計成一集集的小故事, 看的時候令我聯想起得多發生在自己朋友身邊的往事。當中或多或少都有一點"brainstorm"和一點提醒。

其中一位演員在大結局前的一個特輯中說: "這是一套有教育意義的作品..." 我也有一點同意他的講法, 故事中的"朋友"關係很具體的呈現在觀眾眼裏。當中太冗長的就不談了, 但有一些看似老生常談的也可以分享一點點, 大家也可以思考一下~

朋友關係的五個特點??
- Always be supportive
- Get familiar with your friend's habits and personalities
- Speak when they need real advices
- Understand friends weird points of view
- Willing to share everything you have